2. C++ Asoslari - ###

C ++ - bu yuqori mahsuldor dasturlar - operatsion tizimlar, brauzerlar, video-o'yinlar, badiiy dasturlar va boshqalarni yaratish uchun ishlatilishi mumkin bo'lgan mashhur platformalararo tildir.

C++ - bu umumiy maqsadli dasturlash tilidir (General purpose programming language).

Hozirgi kunda juda ko‘p algoritmik tillar mavjud. Bular ichida Java va C++ dasturlash tillari universal tillar hisoblanib, boshqa tillarga qaraganda imkoniyatlari kengroqdir. So‘ngi yillarda Java va C++ dasturlash tillari juda takomillashib, tobora ommalashib bormoqda. Mazkur tillardagi vositalar zamonaviy kompyuter texnologiyasining hamma talablarini o‘z ichiga olgan va unda dastur tuzuvchi uchun ko‘pgina qulayliklar yaratilgan. C++ 1980 yillar boshida Bjarne Stroustrup tomonidan C tiliga asoslangan tarzda tuzildi.

C++ dasturlash tili odatda foydalanuvchilarga birinchi bo'lib tavsiya etiladigan til sifatida qaraladi. C++ tilini oraliq til sifatida qarashimiz mumkin. U quyi darajada to'g'ridan to'g'ri qurilmalar uchun ham ishlay olsa, yuqori darajadagi til sifatida ham turli loyihalarda namoyon bo'la oladi.

C++ dasturlash tili nomi C dasturlash tilidan kelib chiqqan bo'lib, ++ belgisi inkrement amali, ya'ni o'zgaruvchining qiymatini bittaga oshish amalidan olingan.

C++ alfaviti

• Katta va kichik lotin alfaviti harflari: a-z, A-Z

• Raqamlar - 0,1,2,3,4,5,6,7,8,9;

• Maxsus belgilar: " {} | [] () + - / % \ ; ' : ? <=>_ ! & ~ # ^ . *

Alfavit belgilaridan quyidagilar kelib chiqadi

• Identifikatorlar;

• Kalit (xizmatchi yoki zahiralangan) so‘zlar;

• O‘zgarmaslar;

• Amallar belgilanishlari;

• Ajratuvchilar.

Bu tillarda tuzilgan dasturlarda izohlar istalgan joyda berilishi mumkin. Ular satriy va blokli ko‘rinishlarda bo’ladi. Satriy izohlar uchun “//”, blokli izohlar uchun “/”, “/” belgilari ishlatiladi.